January 16, 2022
പി.വി. അലവി കുട്ടി സാഹിബ് പന്നിപ്പാറ
നാട്ടു കോടതി ന്യായാധിപന്, നാട്ടുകാരണവര്, രാഷ്ട്രീയ നേതാവ്, എടവണ്ണ പഞ്ചായത്തിന്റെ പ്രഥമ പ്രസിഡണ്ട്, സുന്നി മുത്തവല്ലി, മഹല്ല് പ്രസിഡണ്ട്… ഒരു കാലത്ത് എടവണ്ണയിലെ അധികാര രാഷ്ട്രീയത്തിന്റെ പ്രാദേശിക തലവനായിരുന്നു പൂന്തലയില് അലവിക്കുട്ടി സാഹിബ് എന്ന് നാട്ടുകാര് വിളിച്ചിരുന്ന പുത്തന്വീട്ടില് അലവിക്കുട്ടി സാഹിബ്. തുവ്വക്കാട് പി.വി. അഹമ്മദ് കുട്ടി ഹാജിയുടെയും വടക്കേ തൊടിക പാത്തുമ്മ കുട്ടിയുടെയും മകനായി 1915 ല് അലവിക്കുട്ടി സാഹിബ് ജനിച്ചു. അക്കാലത്ത് എടവണ്ണയിലെ അറിയപ്പെടുന്ന കുടുംബങ്ങളില് ഒന്നായിരുന്നു അലവിക്കുട്ടി സാഹിബിന്റേത്. സാമ്പത്തികമായി മെച്ചപ്പെട്ട കുടുംബവുമായിരുന്നു. എടവണ്ണ – മഞ്ചേരി ഗവ.സ്കൂളുകളില് നിന്നുള്ള പ0നത്തിനു ശേഷം പിതാവിന്റെ മേല്നോട്ടത്തില് കൃഷിയിലും കച്ചവടത്തിലും വ്യാപൃതനായി.
