Tag

നാട്ടു കോടതി ന്യായാധിപന്‍, നാട്ടുകാരണവര്‍, രാഷ്ട്രീയ നേതാവ്, എടവണ്ണ പഞ്ചായത്തിന്‍റെ പ്രഥമ പ്രസിഡണ്ട്, സുന്നി മുത്തവല്ലി, മഹല്ല് പ്രസിഡണ്ട്… ഒരു കാലത്ത് എടവണ്ണയിലെ അധികാര രാഷ്ട്രീയത്തിന്‍റെ പ്രാദേശിക തലവനായിരുന്നു പൂന്തലയില്‍ അലവിക്കുട്ടി സാഹിബ് എന്ന് നാട്ടുകാര്‍ വിളിച്ചിരുന്ന പുത്തന്‍വീട്ടില്‍ അലവിക്കുട്ടി സാഹിബ്. തുവ്വക്കാട് പി.വി. അഹമ്മദ് കുട്ടി ഹാജിയുടെയും വടക്കേ തൊടിക പാത്തുമ്മ കുട്ടിയുടെയും മകനായി 1915 ല്‍ അലവിക്കുട്ടി സാഹിബ് ജനിച്ചു. അക്കാലത്ത് എടവണ്ണയിലെ അറിയപ്പെടുന്ന കുടുംബങ്ങളില്‍ ഒന്നായിരുന്നു അലവിക്കുട്ടി സാഹിബിന്‍റേത്. സാമ്പത്തികമായി മെച്ചപ്പെട്ട കുടുംബവുമായിരുന്നു. എടവണ്ണ – മഞ്ചേരി ഗവ.സ്കൂളുകളില്‍ നിന്നുള്ള പ0നത്തിനു ശേഷം പിതാവിന്‍റെ മേല്‍നോട്ടത്തില്‍ കൃഷിയിലും കച്ചവടത്തിലും വ്യാപൃതനായി.

എടവണ്ണയുടെ പെരുമയില്‍ നിന്നും തീര്‍ത്തും ഒഴിവാക്കാന്‍ പറ്റാത്ത എടവണ്ണയുടെ വഴികാട്ടിയായിരുന്നു മര്‍ഹൂം പി വി മുഹമ്മദ് ഹാജി

പുത്തന്‍വീട്ടില്‍ ചെറിയ ഉമ്മര്‍ ഹാജിയുടെയും ഭാര്യ കുനിയില്‍ പട്ടോത്ത് പാത്തുമ്മ ഹജ്ജുമ്മയുടെയും മകനായി 1894ല്‍ എടവണ്ണയിലായിരുന്നു അദ്ദേഹത്തിന്‍റെ ജനനം. വീട്ടില്‍ നിന്ന് തന്നെയായിരുന്നു പ്രാഥമിക വിദ്യാഭ്യാസം. അനന്തരം മലപ്പുറത്തു പോയി വിദ്യാഭ്യാസം തുടര്‍ന്നു.

പില്‍ക്കാലത്തു പിതാവ് ചെറിയ ഉമ്മര്‍ ഹാജിയോടൊപ്പം ഒതായിയില്‍ താമസമാക്കി.

കിഴക്കന്‍ ഏറനാടിന്‍റെവിദ്യാഭ്യാസപരവും മതപരവുമായ ഉയര്‍ച്ചയ്ക്കായി തന്‍റെ ജീവിതകാലം മുഴുവന്‍ ചെലവഴിച്ച ഒരു മഹത് വ്യക്തിയാണ് ഉമ്മര്‍ കുട്ടി ഹാജി. 1917 നവംബര്‍ മാസത്തില്‍ മുഹമ്മദ് ഹാജിയുടെ ആദ്യ പുത്രനായി ജനിച്ചു. ആനക്കയം ബോര്‍ഡ് മാപ്പിള എലിമെന്‍ററി, എടവണ്ണ ബോര്‍ഡ് മാപ്പിള എലിമെന്‍ററി എന്നീ സ്കൂളുകളില്‍ പഠിച്ചു. 1927ല്‍ പിതാവ് മുഹമ്മദാജി ആരംഭിച്ച മാനേജ്മെന്‍റ് സ്കൂളില്‍ ചേര്‍ന്നു. ഈ സ്കൂളിന്1928 ല്‍സ്കൂള്‍ ബോര്‍ഡ് എലിമെന്‍ററി സ്കൂളായി അംഗീകാരം ലഭിച്ചപ്പോള്‍ പ്രഥമ വിദ്യാര്‍ത്ഥിയായി ഇവിടെ ചേര്‍ന്നു. 1930 ല്‍ മഞ്ചേരി ബോര്‍ഡ് ഹൈസ്കൂളില്‍ അഞ്ചാം ക്ലാസില്‍ ചേര്‍ന്നു. 1937 ല്‍ എസ്എസ്എല്‍സി പരീക്ഷ കഴിഞ്ഞു സ്കൂള്‍ ജീവിതം നിര്‍ത്തി. പഠനംനിര്‍ത്തുന്നത് പിതാവിന് ഇഷ്ടമുണ്ടായിരുന്നില്ല. സ്വന്തമായി ഒരു തൊഴില്‍ വേണം എന്ന ചിന്തയിലാണ് പഠനം നിര്‍ത്തിയത്.

ഏറനാട്ടില്‍ കോണ്‍ഗ്രസ് രാഷ്ട്രീയത്തിന് അടിത്തറ പാകിയ പ്രധാനികളില്‍ ഒരാള്‍, എടവണ്ണയുടെ വികസന കുതിപ്പിന് തുടക്കം കുറിക്കാന്‍ മുന്‍പന്തിയില്‍ പ്രവര്‍ത്തിച്ചു.

അവിഭക്ത കോണ്‍ഗ്രസ് രാഷ്ട്രീയത്തില്‍ നിന്നും എ.ഐ.സി.സിയിലേക്ക് തെരഞ്ഞെടുക്കപ്പെട്ട ഏറ്റവും പ്രായം കുറഞ്ഞ മെമ്പര്‍, മികച്ച സഹകാരി, പഞ്ചായത്ത് പ്രസിഡണ്ട്, മഹല്ല് കമ്മിറ്റി പ്രസിഡണ്ട്, അഖിലേന്ത്യാ ശരിഅത്ത് ബോര്‍ഡ് അധ്യക്ഷന്‍, അറിയപ്പെടുന്ന മരാമത്ത് കോണ്‍ട്രാക്ടര്‍… ഷൗക്കത്തലി സാഹിബ് നടന്നു നീങ്ങിയ വഴിത്താരകള്‍ നിരവധിയാണ്.